غور؛ فيروز کوه ښار کې د اتو لوبډلو ترمنځ د ژمني جام په نوم د واليبال سيالۍ پيل شوې

د غور ولايت د بدني روزنې او سپورټ امريت اړوند د واليبال فدراسيون د استازولي له لوري د ياد ولايت په مرکزي جمنازيوم کې د اتو لوبډلو ترمنځ د ژمني جام په نوم د واليبال سيالۍ پيل شوې.

په دغو سياليو کې د سلطان غیاث‌الدین، رزمندگان، لمر، تندر، جام غور، آزادي کنډیوال، سازش او پیکان شرکت لوبډلو گډون کړی، چې لومړۍ لوبه يې د سلطان غياث الدین او غور جام لوبډلو ترمنځ ترسره شوه، چې په پايله کې سلطان غياث الدین لوبډلې خپلې سيالې لوبډلې ته د ۳ پر صفر ميدانونو په توپير ماتې ورکړه او بريا يې په خپل نوم کړه.

د يادولو وړ ده، چې د دغو سياليو د ترسره کېدو موخه په ياد ولايت کې د واليبال ورزش ته وده او پرمختگ ورکول دي، چې دوې اوونۍ به دوام وکړي.