خوست کې د لسو لوبډلو ترمنځ د ټېپ بال کرکټ سيالۍ د متون اتفاق لوبډلې په اتلولۍ پای ته ورسېدې
د خوست ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د ياد ولايت په مرکز متون ښار کې د لسو لوبډلو ترمنځ د خپل متون گل متون په نوم د ټېپ بال کرکټ سيالۍ، چې يوه مياشت مخکې پيل شوې وې، د متون اتفاق لوبډلې په اتلولۍ پای ته ورسېدې.
د يادو سياليو پايلوبه د متون اتفاق او سيال کلب لوبډلو ترمنځ ترسره شوه، چې متون اتفاق لوبډلې د لوبې پچې په گټلو سره په ټاکلو لسو اورونو کې د ټولو لوبغاړو په سوځېدو سره سیالې لوبډلې ته د ۱۰۷ منډو هدف وټاکه، په مقابل کې سيال کلب لوبډلې د ټولو لوبغاړو په سوځېدو سره يواځې ۸۶ منډې وکړې او لوبه يې د ۲۱ منډو په توپير وبايلله.
