هلمند؛ لښکرگاه ښار کې د ۳۲ لوبډلو ترمنځ د بهار جام په نوم د فوټسال سيالۍ پيل شوې
د هلمند ولايت د بدني روزنې او ورزش امريت په همغږۍ د لښکرگاه ښار په هلمند سټار جمنازيوم کې د ۳۲ لوبډلو ترمنځ د بهار جام په نوم د فوټسال گروپي سيالۍ د وادي هلمند پوهنتون لوبډلې په بريا پيل شوې.
د يادو سياليو په لومړۍ لوبه کې وادي هلمند پوهنتون لوبډلې سيالې خپلواک لوبډلې ته ۲/۶ گولونو په توپير ماتې ورکړه او بريا يې په خپل نوم کړه.
د يادونې وړ ده، چې د دغو سياليو موخه د ورزشکارانو پرمختگ او هڅول ښودل شوي دي.
