پکتيکا؛ په ارگون ولسوالۍ کې د ۲۴ لوبډلو ترمنځ د اتحاد جام په نوم د فوټسال سيالۍ پيل شوې
د پکتيکا ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په ارگون ولسوالۍ کې د ۲۴ لوبډلو ترمنځ د اتحاد جام په نوم د فوټسال سيالۍ پيل شوې.
د يادو سياليو په لومړنۍ لوبه کې ياران کلب لوبډلې خپلې سيالې گلشاخېل لوبډلې ته د ۱۸ پر ۱۲ گولونو په توپير ماتې ورکړه او لومړۍ بريا يې په خپل نوم کړه.
د يادونې وړ ده، چې د دغو سياليو د ترسره کېدو موخه د ځوانانو ترمنځ يووالی رامنځته کول دي، چې ۲۰ ورځې به دوام وکړي.
