نیمروز؛ زرنج ښار کې د ۴۰ لوبغاړو ترمنځ د موی تای سیالۍ ترسره شوې
د نیمروز ولایت د بدني روزنې او ورزش امریت اړوند د موی تای فدراسیون د استازولۍ له لوري د درې کلبونو او ۴۰ لوبغاړو ترمنځ د موی تای سیالۍ د یاد ولایت زرنج ښار اړوند په تک رزم ورزشي کلب کې ترسره شوې.
دغه یو ورځنۍ سیالۍ په دوه عمري کټګوریو (ځوانانو او لویو) ورزشکارانو کې ترسره شوې، چې موخه یي د موی تای ورزش ته وده او پراختیا ورکول او د موی تای ورزش غوره لوبغاړو موندل دي.
د سیالیو په پای کې غوره لوبغاړو ته مډالونه او ستاینلیکونه ورکړل شول.
