په بادغېس کې د ملي او دوديزو لوبو سمينار او احصايوي ورکشاپ وړاندې شو
د بدني روزنې او ورزش عمومي رياست اړوند د ملي او دوديزو لوبو امريت د مسوولينو له لوري په بادغيس ولايت کې د ملي اودوديزو لوبو سمينار او ورکشاپ وړاندې شو.
په ياد سمينار کې د بدني روزنې او ورزش عمومي رياست د ملي او دوديزو لوبو امريت مسوولينو، د نوموړي ولايت د ورزشي امريت کارمندانو، د ولسواليو د دوديزو لوبو دويمو واحدونو او ورزشکارانو ګډون کړی و.
دغه سمينار او احصايوي ورکشاپ چې موخه يې د ملي او دوديزو لوبو د ظرفيت لوړونه ده، د نوموړي ولايت ۳۰ تنو لومړنيو او دويمو واحدونو ته وړاندې شو.
هېره دې نه وي چې د دغه سمينار او احصايوي ورکشاپ په پای کې ګډونوالو ته دمسوولينو له لوري ستاينليکونه ورکړل شول.
