هلمند؛ په کرمسېر ولسوالۍ کې د ۱۴ لوبډلو ترمنځ د فوټبال حذفي سیالۍ پیل شوې
د هملند ولایت د ورزش امریت په مرسته د فوټبال فدراسیون استازولۍ له لوري د دې ولایت په ګرمسېر ولسوالۍ کې د ۱۴ لوبډلو ترمنځ د «محمدحسن» په نوم د فوټبال حذفي سیالۍ پیل شوې.
د دغو سیالیو د پیل په لوبه کې د سیال افغان او لغمان شاهي لوبډلې سره لوبېدلې، چې د سیال افغان لوبډلې د ۱-۰ ګولونو په توپیر خپل سیال ته ماتې ورکړه.
په دغو سیالیو کې چې امیربلند اغا سیمه کې د محمدحسن ورزشي لوبغالي کې ترسره کیږي سیال افغان، لغمان شاهي، اتحاد، انوري، حبيبي، اريانا، خوشحال، افغان، لمر، العرب اوفا،رضوان، اقبال او نوی ځوانان لوبډلې برخه لري.
یادې سیالۍ چې دوې اوونۍ به دوام وکړي موخه یې د ځوانانو ترمنځ یووالی او اتحاد او ورزش ته هغوی هڅول دي.
