پکتیکا؛ د یحیی خېلو ولسوالۍ د والیبال سیالیو اتلولي زبیر ابن عوام لوبډلې خپله کړه
د پکتیکا ولایت د بدني روزنې او ورزش امریت او یحیی خېلو ولسوالۍ د ضیا المدارس مدرسې د مسوولینو له لوري د یادې مدرسې په والیبال لوبغالي کې د ۱۳ لوبډلو ترمنځ د والیبال سیالیو اتلولي زبیر ابن عوام لوبډلې خپله کړه.
دغه سیالیو ۹ ورځې دوام وکړ او پایلوبې ته یې ضیاالمدارس او زبیر ابن عوام لوبډلو لار موندلې وه، چې په پایله کې زبیر ابن عوام لوبډلې خپلې سیالې لوبډلې ته د ۳-۱ میدانونو په توپیر ماتې ورکړه او اتلولي یې خپله کړه.
هېره دې نه وي چې د دغو سیالیو موخه د دینې مدرسو ترمنځ د همغږۍ رامنځته کولو وو او په پای د یاد ولایت ورزشي امریت د مسوولینو له لوري غوره لوبډلو ته چمتو شوې ډالۍ ورکړل شوې.
