کاپیسا؛ د البيروني پوهنتون د طب او ژورناليزم پوهنځيو لوبډلو د د پوهنتون د فوټبال سياليو وروستي پړاو ته لاره پيدا کړه
د کاپيسا ولايت د ابوريحان البيروني پوهنتون د طب او د ژورناليزم پوهنځيو د فوټبال لوبډلو د دغه پوهنتون د فوټبال پایلوبې ته لاره پیدا کړه.
دغه سيالۍ يوه مياشت وړاندې د البيروني پوهنتون د سپورت امریت له لوري د محصلینو د هڅونې او د فوټبال د غوره لوبډلې د ټاکلو په موخه د نهو پوهنځیو ترمنځ د تګ او راتګ په بڼه پیل شوې.
په پای کې د طب او ژورنالیزم پوهنځيو لوبډلو د یادو سیالیو وروستي پړاو ته لاره پیدا کړه
چې دغه پړاو به هم په راتلونکو څو ورځو کې ترسره شي.
د يادونې وړ ده چې دغه سيالۍ تېر کال هم د کاپيسا ولايت د بدني روزنې او سپورت امریت او د دغه ولايت د فوټبال فدراسيون په همکارۍ ترسره شوې وې.
