هلمند کې د سويل لويديځ زون په کچه د فوټبال سيالۍ پيل شوې
د هلمند ولايت د بدني روزنې او ورزش آمريت په همکارۍ، د فوټبال ملي فدراسیون له لوري او د اتصالات مخابراتي شرکت په مالي ملاتړ د ياد ولايت په مرکزي لوبغالي کې د ۵ ولايتونو په گډون د سويل ختيځ زون په کچه د فوټبال سيالۍ پيل شوې.
په يادو سياليو کې د ارزگان، غزني، زابل، کندهار او کوربه هلمند لوبډلو گډون کړی، چې په پيليزه لوبه کې يې کندهار لوبډلې خپلې سيالې غزني لوبډلې ته د ۱-۰ گول په توپير ماتې ورکړه او بريا يې خپله کړه.
دا سيالۍ د زون په کچه د غوره لوبډلې ټاکلو په موخه ترسره کېږي او پنځه ورځې به دوام وکړي.
