په غزني کې د روژې مبارکې میاشتې په مناسبت د کونګفو سیالۍ ترسره شوې
د غزني ولایت د بدني روزنې او سپورت امریت او کونګفو فدراسیون په ګډه همکارۍ د روژې د مبارکې میاشتې د رارسېدو په مناسبت د کونګفو سیالۍ د یاد ولایت د بدني روزنې او سپورټ آمریت په جمنازیوم کې د یوې ورځې لپاره ترسره کړې.
په دې سیالیو کې د کونګفو له ۲۰ کلبونو څخه ۱۳۵ ورزشکارانو برخه اخیستې وه، چې په څلورو (ماشومانو، تنکي ځوانانو، ځوانانو او لویانو) عمري ډلبندیو او د وزن په مختلفو کټګوریو کې یې سیالۍ وکړې.
د دغه ټورنمنټ د پرانیستلو په مراسمو کې د غزني ولایت د سپورټ امر حاجي بلال مجاهد او د غزني ولایت د کونګفو فدراسیون مسؤول حاجي فدا محمد نوري او ګڼ شمېر مینوالو ګډون کړی و او لوبغاړي يې وهڅول.
د سیالیو موخه د روژې مبارکې میاشتې درناوی او ورزش ته د ځوانانو هڅول وو.
