د ننګرهار د بدني روزنې او ورزش ریاست د نیالګیو اېښودلو کمپاین پیل کړ
دننګرهار ولايت د بدني روزنې او ورزش رياست په دغه ولايت کې د نيالګيو اېښودلو کمپاین پيل کړ.
په دغه کمپاين کې د ياد ولايت دبدني روزنې او ورزش رئیس عبدالسلام وزيروال او کاري ټيم ګډون کړی و او د ياد رياست په انګړ کې يې د زرغون چاپېريال په موخه نيالګي کېښودل.
په همدې موخه په جوړو شوو مراسمو کې ښاغلي وزیروال د نیالګیو اېښودلو په اړه د اسلام له نظره هر اړخيزې خبرې وکړې او د ننګرهار پۀ ورزشکارانو او ولسونو یې غږ وکړو چې د نیالګیو اېښودلو په کمپاین کې برخه واخلي او د ننګرهار د لا سمسورتیا لپاره دې په خپلو سيمو کې نیالګي کېنوي، ده همدا راز وويل د نیالګیو اېښودلو سره سم باید ددې پالنې ته هم جدي پاملرنه وشي، تر څو د چاپېریال ښکلا خوندي او د پاک چاپېريال ترڅنګ د پاکې هوا څخه برخمن شو.
