کونړ ولايت کې د واليبال لوبې پيل شوې
د کونړ ولایت ورزشي امریت ترچتر لاندې د والیبال فدراسیون په همکارۍ په څوکۍ ولسوالۍ کې د شرقي زون په سطحه د والیبال سیالۍ د څوکۍ ولسوالۍ دځوانانو په نوښت د ۲۰ لوبډلو پیل شوې دي.
د دې سیاليو په لومړۍ ورځ د څوکۍ سرباز حاجي لوبډلې د څوکۍ بازار B لوبډلې سره لوبه وکړه چې دا لوبه د سرباز ټیم په ګټه پای ته ورسېده.
دوهمه لوبه د سرباز حاجی د خاص کونړ ترمنځ ترسره شوه چې د خاص کونړ په ګته تمامه شوه همدا راز د یادو سیالیو څلورمه لوبه کې نرنګ د خپل سیالې لوبډلې ښیوه دربخیل ماتې ورکړه او په پنځمه لوبه کې نرنګ او قمچي لوبډلو یو له بل سره سیالۍ وکړه چې په پای کې لوبه دنرنګ په ګټه پای ته ورسېده.
د یادو سیالیو په دوهمه ورځ کې خاص کونړ اسعد آباد لوبډلې ته نرنګ خاص کونړ ته او همدا راز د چپرهار لوبډلې میدان شهر ته ماتې ورکړې.
