لوګر کې د فوټبال لوبې پیل شوې
په لوګر ولایت کې د ۱۲ لوبډلو تر منځ د فوټبال لوبې پیل شوې، چې ټولې لوبډلې به په دوه ګروپونو کې لوبې وکړي.
یادې لوبې تېره ورځ د کب په دیارلسمه نېټه پیل شوې.
د یادو لوبو په پرانېستو مراسمو کې د لوګر ولایت ورزشي مسوولینو او د فوټبال فدراسیون رییس ګډون کړی و.
د یادو لوبو په پیل کې لومړۍ لوبه د محمداغې اتفاق لوبډلې او احمدزيقلعه لوبډلو تر منځ وشوه، چې یو د صفر پر وړاندې محمداغې اتفاق لوبډلې وګټله.
د یادونې وړ ده، چې دغه لوبې د لوګر ولایت ورزشي میدان کې د هرې جمعې په ورځ کېږي.
