غزني؛ ګيلان ولسوالۍ کې د ۱۰ لوبډلو ترمنځ د ټېپ بال کرېکټ سیالۍ پای ته ورسېدې
د غزني ولايت د بدني روزنې او ورزش امريت اړوند د ټېپ بال کرېکټ ملي فدراسیون د استازولۍ له لوري د ياد ولايت د ګيلان ولسوالۍ په جانان کلي کې د ۱۰ لوبډلو ترمنځ د ټېپ بال کرېکټ سیالۍ پای ته ورسېدې.
د دغو سياليو په پايلوبه کې ډاکتر باقي لوبډلې په ټاکلو ۱۲ اورونو کې د ۱۴۴ منډو هدف وټاکه په مقابل کې زرور لوبډلې د ۹ لوبغاړو په سوځېدو سره ياد هدف پوره کړ او لوبه يې د يوې ويکټې په توپير وګټله.
د يادو سياليو موخه د لوبغاړو ترمنځ يووالی رامنځته کول، د ځوانانو هڅول او له نشه يي توکو څخه د ځوانانو لېري والی و، چې ۲۰ ورځې يې دوام وکړ.
