خوست کې د پاورلفټینګ ولایتي سیالۍ وشوې
د افغانستان د المپیک ملي کمېټې او ورزش ریاست له لارښوونې سره سم د خوست ولایت ورزشي امریت اړوند د پاورلفټینګ فدراسیون په چوکاټ کې د ولایتي لوبو په موخه وزن کشي وشوه.
په دغو لوبو د هېواد له اوو ولایتونو څخه (100) لوبغاړي برخه لري، چې د دغې برخې د مشرانو په شتون کې یې وزنونه پورته کړل.
په دغو لوبو کې د کابل، پروان، هرات، غور، پکتیکا، پکتیا، او خوست ولایتونو لوبغاړو ګډون کړی و.
په یادو لوبو کې د ځوانانو، نویو ځوانانو، لویانو او ماسټرانو په عمرونو کې لوبې وشوې.
ټاکل شوې ده چې دغه لوبې تر درېوو ورځو د خوست ولایت د قبایلو ریاست د غونډو تالار کې دوام پیداکړي.
د یادولو وړ ده، چې د سویلختیځ زون په کچه د والیبال سیالۍ هم سبا ماسپښین دوه بجې شروع کېږي.
