کندز؛ امام صاحب ولسوالۍ کې د ۷۱ ورزشکارانو ترمنځ د ځغاستې سیالۍ ترسره شوې
د کندز ولایت د بدني روزنې او ورزش رییاست اړوند د اتلتیک فدراسیون د استازولۍ له لوري د یاد ولایت په امام صاحب ولسوالۍ کې د ۷۱ ورزشکارانو ترمنځ د ځغاستې سیالۍ ترسره شوې.
په دغو سیالیو کې ۴۸ تنو لویانو ورزشکارانو په پنځه کیلو متري واټن کې او ۲۳ تنکي ځوانانو په درې کیلومتري واټن کې سیالۍ ترسره کړې، چې د لویانو په عمري کټګوري کې حکمت الله وفا لومړی، شیرمحمد دویم او ذبیح الله درېیم مقام ترلاسه کړ اوهمداراز د تنکيو ځوانانو په عمري کټګوري کې بیا ابوبکر میرخېل لومړی مقام خپل کړ.
دا سیالۍ د ځغاسې ورزش ته د ودې ورکولو په موخه ترسره شوې، چې یوه ورځ یې دوام وکړ.
