خوست م.ج.ا.هد لوبډلې د زونونو په کچه د فوټبال سياليو اتلولي وگټله
د خوست ولايت د بدني روزنې او ورزش آمريت په همکارۍ او د فوټبال ملي فدراسیون له لوري د ياد ولايت په مرکز آماني ملي لوبغالي کې د څلورو ولايتونو ترمنځ د سويل ختيځ او ختيځ زونونو په کچه د فوټبال سيالۍ د خوست م.ج.ا.هد لوبډلې په اتلولۍ پای ته ورسېدې.
په دغو سياليو کې د خوست م.ج.ا.هد، پکتيا اتحاد، ننگرهار کلب او لغمان اتحاد فرشغان لوبډلو گډون کړی وو، چې په پايله کې خوست م.ج.ا.هد لوبډلې د نهو امتيازونو په ترلاسه کولو سره لومړی، ننگرهار کلب لوبډلې د شپږو امتيازونو په خپلولو سره دويم او لغمان اتحاد فرشغان لوبډلې بيا درېيم مقام خپل کړ او همدارنگه د دې سياليو په وروستۍ لوبه کې خوست م.ج.ا.هد لوبډلې د ۰/۴ گولونو په توپير خپلې سيالې ننگرهار کلب لوبډلې ته ماتې ورکړه او اتلولي يې وگټله.
د ويلو وړ ده، چې يادو سياليو درې ورځې دوام وکړ او په پای کې اتلې لوبډلې ته د اتلولۍ جام او غوره لوبغاړو او لوبډلو ته بېلابېلې چمتو شوې ډالۍ ورکړل شوې.
