کونړ؛ په اسعداباد ښار کې د ۱۲ لوبډلو ترمنځ د واليبال سيالۍ پای ته ورسېدې
د کونړ ولايت د بدني روزنې او سپورټ امريت اړوند د واليبال فدراسيون د استازولۍ له لوري د ياد ولايت په مرکز اسعداباد ښار کې د ۱۲ لوبډلو ترمنځ د واليبال سيالۍ د څوکۍ ولسوالۍ لوبډلې په اتلولۍ پای ته ورسېدې.
د يادو سياليو په پايلوبه کې څوکۍ ولسوالۍ لوبډلې سيالې کرهالې لوبډلې ته د ۱/۳ ميدانونو په توپير ماتې ورکړه او اتلولي يې خپله کړه.
دغه سیالۍ، چې لس ورځې يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته ستاينليکونه او مډالونه ورکړل شول.
