کونړ؛ په څوکۍ ولسوالۍ کې د ۲۰ لوبډلو ترمنځ د ټېپ بال کرکټ سيالۍ پيل شوې
د کونړ ولايت د بدني روزنې او ورزش امريت اړوند ټېپ بال کرکټ فدراسيون د استازولۍ له لوري د څوکۍ ولسوالۍ شلوټۍ سيمه کې د ۲۰ لوبډلو ترمنځ د ټېپ بال کرکټ سيالۍ پيل شوې.
د دغو سياليو لومړۍ لوبه د بازار او عودت اباد لوبډلو ترمنځ وشوه، لومړی توپوهنه عودت اباد لوبډلې وکړه او په ټاکلو اتو اورونو کې يې خپلې سيالې لوبډلې ته د څلورو لوبغاړو په زيان ۱۲۲ منډې هدف کېښود، د لوبې په دويمه پاڼۍ کې بازار لوبډلې د نهو لوبغاړو په زيان په اتو اورونو کې ۷۰ منډې وکړې او په ۵۲ منډو يې ماتې وخوړه.
هېره ده نه وي چې دغه سيالۍ نن پيل شوې او ۲۰ ورځې به دوام وکړي.
