ننگرهار کې د ۸۰ ورزشکارانو ترمنځ د رزمي لوبو او-سپورټ سبک سيالۍ وشوې
د ننگرهار ولايت د بدني روزنې او ورزش رياست اړوند د رزمي لوبو فدراسيون د استازولۍ له لوري د جلال آباد ښار په پنځمې ناحيې ورزشي جمنازيوم کې د ۸۰ ورزشکارانو ترمنځ د رزمي لوبو او - سپورټ سيالۍ وشوې.
په يادو سیالیو کې له ۱۵ کلبونو څخه ورزشکارانو د تنکيو ځوانانو او ځوانانو په عمري کټگوريو کې گډون کړی وو، چې په پايله کې ۴۰ تنو ورزشکارانو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې دغو سیالیو يوه ورځ دوام وکړ او په پای کې گټونکو ورزشکارانو ته مډالونه او ستاينليکونه ورکړل شول.
