زابل کې د ۲۱ ورزشکارانو ترمنځ د قوت الرمي سيالۍ وشوې
د زابل ولايت د بدني روزنې او ورزش آمريت اړوند د قوت الرمي فدراسيون د استازولۍ له لوري د ياد ولايت په مرکز قلات ښار کې د درېيو کلبونو د ۲۱ ورزشکارانو ترمنځ د قوت الرمي سيالۍ وشوې.
په يادو سیالیو کې له استاد طوفان، استاد احمدالله او استاد احمد شاه کلبونو څخه ورزشکارانو د نويو ځوانانو، ځوانانو او لويانو ورزشکارانو په عمري کټگوريو کې گډون کړی وو، چې په پايله کې د استاد طوفان کلب ورزشکارانو په بريا پای ته ورسېدې.
د ويلو وړ ده، چې دغو سیالیو يوه ورځ دوام وکړ او په پای کې د ياد ولايت د ورزش آمريت له لوري ورزشکارانو ته مډالونه، ستاينليکونه او ورزشي توکي ورکړل شول.
