کونړ؛ نرنګ ولسوالۍ کې د ۱۵ لوبډلو ترمنځ د والیبال سیالۍ پیل شوې
د کونړ ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت په نرنګ ولسوالۍ کې د ۱۵ لوبډلو ترمنځ د والیبال سیالۍ پیل شوې.
د دغو سیالیو په لومړۍ لوبه کې سبحان الله لوبډلې د ۲ پر یو میدان په توپیر خپلې سیالې پاچایانو لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ والیبال ورزش ته د ودې ورکولو په موخه ترسره شوې، چې اته ورځې به دوام وکړي.
