کندهار کې د ٢٢ لوبډلو ترمنځ د فوټسال سیالۍ پای ته ورسېدې
د کندهار ولایت د بدني روزنې او ورزش ریاست اړوند د فوټبال فدراسیون د استازولۍ له لوري د ياد ولايت په ورزشي جمنازيوم کې د ٢٢ لوبډلو ترمنځ د فوټسال سیالۍ د OHA لوبډلې په اتلولي پای ته ورسېدې.
د یادو سیالیو پایلوبه د سپین غر بازانو او OHA لوبډلو ترمنځ ترسره شوه، چې په پایله کې یې OHA لوبډلې د ٩/١ ګول په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د روژې مبارکې میاشتې په مناسبت ترسره شوې چې شاوخوا شل ورځې یې دوام وکړ او په پای کې اتلې لوبډلې ته د اتلولي کپ غوره لوبغاړو ته چمتو شوې ډالۍ ورکړل شوې.
