کندز؛ علي آباد ولسوالۍ کې د ۹۰ پهلوانانو ترمنځ د کورش ازادې سيالۍ ترسره شوې
د کندز ولايت د بدني روزنې او سپورټ رياست اړوند د کورش فدراسيون د استازولۍ او د سحر گل مرادي په مالي ملاتړ د دې ولايت په علي آباد ولسوالۍ کې د کندز، بغلان او جوزجان ولایتونو د ۹۰ پهلوانانو ترمنځ د کورش ازادې سيالۍ تر سره شوې.
په يادو سياليو کې د کندز ولايت د بدني روزنې او سپورټ رياست رييس، د کورش فدراسيون رييس، د علي آباد ولسوالۍ د ورزشي کمېټې آمر، د سيمې مشرانو او گڼ شمېر د کورش لوبې مينوالو گډون کړی وو.
د دغو سياليو موخه د پهلوانانو جسمي روزنه او خلکو ته د سالمې تفريح برابرول ښودل شوي وو، چې يوه ورځ يې دوام وکړ.
