کندز؛ خان آباد ولسوالۍ کې د WTF تکواندو ۲۱ ورزش کارانو ته د ارتقأ کمربندونه وتړل شول
د کندز ولایت د بدني روزنې او ورزش ریاست اړوند د تکواندو فدراسیون د استازولي له لوري د یاد ولایت په خان آباد ولسوالۍ کې د WTF تکواندو استازي استاد محمد راشد سخي زاده له لوري د یادې رشتې ۲۱ ورزش کارانو ته د ارتقأ کمربندونه ورتړل شول.
په دې اړه جوړو شویو مراسمو کې ۱۱ ورزش کارانو ته ژېړ، اوو ورزش کارانو ته شنه او درې نورو ته بیا آبي رنګه کمربندونه وتړل شول.
د مراسمو په پای کې د همدې رشتې ورزش کارانو ته ورزشي جامې او ستاینلیکونه ورکړل شول.
