کاپیسا کې د فوټبال غوره لیګ پیل شو
د کاپیسا ولایت فوټبا غوره لیګ د دې ولایت په ورزشي سټډیوم کې د هندوکش او اریانا ځوانانو لوبډلو په مخامخ کېدو سره پیل شو چې ۲-۰ د هندوکش لوبډلې بریا خپله کړه.
د کاپیسا فوټبال غوره لیګ کې ۱۰لوبډلې ګډون لري چې هره ورځ به یوه لوبه کیږي.
د دې لوبو پر دوام به په راتلونکې سیالۍ کې پیروزي کوهبند او پیروزي کاپیسا لوبډلې سره مخ شي باید وویل شي چې دا لېګ به ۴۵ورځې دوام وکړي.
د فوټبال په دې لیګ کې لوبېدونکې لوبډلې یې د مرکز په ګډون له دریو ولسوالیو څخه برخه لري.
د لیګ د پرانستي پرمهال د دې ولایت د بدنې روزنې او ورزش مسؤلینو د دې سیالیو د پیل موخه یوبل منل، یووالی او د ورزشکارانو ترمنځ د اړیکو ټینګښت او د افغانستان مرکزي زون سیالیو ته د غوره لوبډلې لار پیدا کول دي.
