کابل؛ د ITF تکواندو ملي فدراسیون درې کسیزه لوبډله د اتلولۍ کپ سیالیو لپاره چین ته روانه شوه
د المپیک، بدني روزنې او ورزش عمومي ریاست له لوري د ITF تکوندو ملي فدراسیون درې کسیزه لوبډله د اسیا اتلولۍ کپ سیالیو لپاره، چې د زمري له ۱۷ څخه تر ۱۹ نېټې پورې به د چین هېواد په اونان ښار کې ترسره شي، ولاړه.
د اسیا د اتلولۍ کپ سیالۍ له اسیا لویې وچې د اتو هېوادونو ترمنځ ترسره کېږي، چې د نوموړیو هیوادونو ورزشکاران به د اتلولۍ پر کپ له یو بل سره سیالۍ وکړي.
د خدای پامانۍ مراسمو کې د المپیک، بدني روزنې او ورزش عمومي ریاست فني او مسلکي مرستیال حافظ احمد جان ځدراڼ، د یاد ریاست فني او مسلکي ریاست سرپرست حمید الله صافی او تلونکو ورزشکارانو ګډون کړی وو.
