کابل؛ د کابل ختيځ زون د جمناسټیک پسرلني جام تر نامه لاندې د استعداد موندنې پينځم پړاو سیالۍ ترسره شوې
د المپيک، بدني روزنې او ورزش عمومي رياست په همکارۍ د جمناسټیک ملي فدراسيون له لوري د کابل ختيځ زون د ۱۰ کلپونو څخه د ۶۰ لوبغاړو ترمنځ د جمناسټیک پسرلني جام تر عنوان لاندي د استعداد موندنې پينځم پړاو يو ورځنۍ سيالۍ د دې رياست په ۵۰۰ کسيز جمنازيوم کې ترسره شوې.
په دې سیالیو کې ۶۰ ورزشکارانو په څلورو عمري کټګوريو ( کوچنيانو، نوي ځوانانو، ځوانانو او لويانو ) په دوه سبکونو فلور( دوشک) او پريش روي ميز کې برخه اخيستې وه، چې په پای کې يې ۲۵ لوبغاړو د کابل جمناسټیک ټاکنيزو سياليو ته لار وموندله.
د يادونې وړ ده، چې يادې سیالۍ د کابل د ختيځ زون څخه د کابل منتخبې لوبډلې راتلونکو ټاکنيزو سياليو ته د غوره لوبغاړو موندلو په موخه پيل شوې وې، چې يوه ورځ يې دوام وکړ.
