پکتیکا؛ ګومل ولسوالۍ کې د لسو لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په ګومل ولسوالۍ کې د لسو لوبډلو ترمنځ د ټېپ بال کرېکټ سیالۍ د سروبي ایګل لوبډلې په اتلولي پای ته ورسېدې.
د یادو سیالیو پایلوبه د خیر منځو او سروبي ایګل ترمنځ ترسره شوه. د لوبې پچه سروبي ایګل لوبډلې وګټله او لومړی یې توپ وهنه وکړه، چې په ټاکلو څلور اورونو کې یې د یوې ویکټې په زیان خپلې سیالې لوبډلې ته د ٤١ منډو هدف وټاکه. خير منځو لوبډلې د هدف په تعقیب کې د دوو ویکټو په زیان ٣٠ منډې وکړې او د لسو منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې اووه ورځې یې دوام وکړ او په پای کې اتلې لوبډلې ته یو موټر سایکل د ډالۍ په توګه ورکړل شو.
