زابل کې د اتو ولایتونو ترمنځ د کیک بوکسينگ اتم پړاو سیالۍ وشوې
د زابل ولايت د بدني روزنې او ورزش آمریت اړوند د کیک بوکسينگ فدراسیون د استازولۍ له لوري د ياد ولايت په مرکز قلات ښار کې د اتو ولایتونو د ۸۰ ورزشکارانو تر منځ د کیک بوکسينگ سیالۍ وشوې.
دغه سيالۍ، چې دوې ورځې يې دوام وکړ، په پايله کې زابل لومړی، نیمروز دويم او فراه بيا درېيم مقام ترلاسه کړ.
د ويلو وړ ده، چې د يادو سياليو موخه ښاريانو لپاره د سالمې تفریح او د ورزشکارانو ترمنځ یووالی وو.
