پکتیکا؛ مرکز ښرنه کې د ۲۵ لوبډلو ترمنځ د والیبال سیالۍ پیل شوې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په مرکز ښرنه کې د ۲۵ لوبډلو ترمنځ د والیبال سیالۍ پیل شوې.
په یادو سیالیو کې د مرکز ښرنې او ولسوالیو سربېره د غزني ولایت لوبډلو هم ګډون کړی دی، چې لومړۍ لوبه یې د استاد یوسف او کریخېلو مدرسې لوبډلو ترمنځ ترسره شوه، چې په پایله کې یې استاد یوسف لوبډلې د ۲ پر یو میدانونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دغه سیالۍ د ورزش کارانو ترمنځ د یووالي په موخه پیل شوي دي، چې اووه ورځې به دوام وکړي.
