کندز کې د اتو لوبډلو ترمنځ د والیبال سیالۍ ترسره شوې
د کندز ولایت د بدني روزنې او ورزش ریاست او د یاد ولایت د زندانونو چارو د سمون ریاست په ګډه همغږي او د والیبال فدراسیون د استازولي له لوري د یاد ولایت په مرکزي زندان کې د اتو لوبډلو ترمنځ د والیبال سیالۍ د کندز ولایت د مقام لوبډلې په اتلولي پای ته ورسېدې.
د یادو سیالیو په پایلوبه کې د ولایت د مقام لوبډلې د ۲۵/۱۱ نمرو په توپیر خپلې سیالې کندز ټاکنیزې لوبډلې ته ماتې ورکړه او د سیالیو اتلولي یې وګټله.
دا سیالۍ د ا.ا.ا د بیا واکمنېدو د څلورمې کلیزې د نمانځلو او د زندانیانو د ذهني تفریح په موخه ترسره شوې، چې یوه ورځ یې دوام وکړ.
