پکتیا؛ څمکنیو ولسوالۍ کې د نهو ولایتونو ترمنځ د والیبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په څمکنیو ولسوالۍ کې له نهو ولایتونو د ۵۰ لوبډلو تر منځ د والیبال دوستانه سیالۍ د پکتیا ځلاند لوبډلې په اتلولي پای ته ورسېدې.
په دغو سیالیو کې له کابل، لوگر، خوست، ميدان وردگ، پکتیکا، ننگرهار، لغمان، بامیان او کوربه پکتیا ولایتونو څخه ۵۰ لوبډلو گډون کړی و، چې په پایلوبه کې یې د پکتیا ځلاند لوبډلې خپلې سیالې موسهي اتلانو لوبډلې ته د ۳ پر یو میدانونو په توپیر ماتې ورکړه او اتلولي یې په خپل نوم کړه.
دا سیالۍ ورزش ته د ودې ورکولو او د ځوانانو ترمنځ د یووالي په موخه ترسره شوې، چې ۲۰ ورځې یې دوام وکړ.
