پکتیا؛ روحاني بابا ولسوالۍ کې د نيزه وهنې سیالۍ وشوې
د پکتیا ولایت د بدني روزنې او ورزش ریاست په همغږۍ، د نېزه وهنې، وزلوبې او سیمه ییزو لوبو فدراسیون د استازولي له لوري د یاد ولایت په روحاني بابا ولسوالۍ کې د نهو لوبډلو ترمنځ د نېزه وهنې سیالۍ وشوې.
دا سیالۍ، چې په لاین سینگل او سیکشن برخو کې وشوې، په پایله کې حاجي ظفر لوبډلې د ۳۶ امتیازونو په خپلولو سره لومړی، حاجي جنت گل لوبډلې د ۳۴ امتیازونو سره دویم او حکمران لوبډلې بيا د ۲۸ امتیازونو په ترلاسه کولو سره درېیم مقام خپل کړ.
د يادو سیالیو موخه د نيزه وهنې لوبې ته وده ورکول او د يادې ولسوالۍ وگړو لپاره د سالمې تفريح برابرو وو، چې دوې ورځې يې دوام وکړ.
