پکتيا; څمکنیو ولسوالۍ کې د WTF تکواندو څلورم پړاو سیالۍ ترسره شوې
د پکتیا ولایت د بدني روزنې او ورزش ریاست اړوند د تکواندو فدراسیون د استازولي له لوري د یاد ولایت په څمکنیو ولسوالۍ کې د ۳۶ ورزش کارانو ترمنځ د قوش تیپې په نوم د WTF تکواندو څلورم پړاو سیالۍ ترسره شوې.
دغه سیالۍ د ماشومانو، تنکیو ځوانانو، ځوانانو او نویو ځوانانو په عمري کټګوریو کې په دوه (الف او ب) ګروپونو وېشل شوې وې چې په پایله کې یې ب ګروپ د ۴۴ نمرو په ترلاسه کولو سره لومړی او الف ګروپ د ۴۰ نمرو په ترلاسه کولو سره دویم مقام خپل کړ.
په دغو سیالیو کې د ځوانانو له ډلې یاسین، د نویو ځوانانو له ډلې رشید، د تنکیو ځوانانو له ډلې عصمت الله او د ماشومانو له ډلې بیت الله غوره مقامونه وګټل.
د یادو سیالیو موخه د ورزش کارانو ترمنځ همغږي ښودل شوې ده.
