پکتيا؛ مرکزي زندان کې د والیبال سیالۍ د نيازيو B لوبډلې په اتلولۍ پای ته ورسېدې
د پکتيا ولايت د بدني روزنې او ورزش ریاست په مرسته او د پکتیا زندان ریاست له لوري د پکتیا په مرکزي زندان کې د شپږو لوبډلو ترمنځ د سالمې روزنې په نوم د والیبال سیالۍ د نیازیو B لوبډلې په اتلولۍ پای ته ورسېدې.
دغو سیالیو چې شپږ ورځې یې دوام وکړ په پایلوبه کې د نیازیو B لوبډلې خپلې سیالې زندانیانو بدر لوبډلې ته د ۲/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه د زندانیانو لپاره یوه سالمه تفریح برابرول و.
