په کابل کې د ۱۴۰ ورزشکارانو ترمنځ د سوک وهنې سيالۍ ترسره شوې
په کابل کې د اختري کلب د مسولينو له لوري د ۱۴۰ ورزشکارانو ترمنځ د هرات ولايت د وروستۍ غميزې په پار د سوک وهنۍ سيالۍ او د قران عظيم شان ختم ترسره شو.
په دغو سياليو کې د لومړي زون له ۲۶ کلبونو څخه ۱۴۰ ورزشکارانو ګډون کړی و، چې په پايله کې اختري کلب د طلا د ۶ مډالونو په ترلاسه کولو سره لومړی، ستاره های اختري کلب د ۴ مډالونو په ترلاسه کولو سره دويم او شوری چهار دهي کلب د ۳ مډالونو په ترلاسه کولو سره درېيم مقام ترلاسه کړ.
هېره دې نه وي چې د يادو سياليو د پای په مراسمو کې د هرات ولايت د وروستۍ غميزې د شهيدانو او قربانيانو په پار د قران عظيم شان ختم او دعا وشوه.
