په سرپل ولایت کې د وزلوبې سیالۍ ترسره شوې
د سرپل ولایت د بدني روزنې او ورزش امریت په مرسته د وزلوبې فدراسیون له لوري د دې ولایت د مرکز او ټولو ولسوالیو د لسګونو چاپندازنو ترمنځ د لوړو زده کړو ریاست ترڅنګ په یکاب دشت جوار ورزشي میدان کې د وزلوبې سیالۍ ترسره شوې.
د دغو سیالیو موخه د سرپل وزلوبې منتخبې لوبډلې ته د غوره چاپندازانو ټاکل او د هېواد په کچه د وزلوبې راتلونکو سیالیو ته د چاپندزانو چمتووالی دی.
په پای کې ۲۰ تنه غوره او پیاوړي چاپندازان د سرپل ولایت وزلوبې منتخبې لوبډلې ته وټاکل شول.
د یادولو ده، چې د وزلوبې دغه سیالۍ د هرې جمعې په ورځ ترسره کیږي، چې له لیرې سیمو څخه ورته ډېر لیدونکي نندارې ته راځي.
