پنجشېر کې د ۷۰ ورزشکارانو ترمنځ د رزمي لوبو د توان سبک سیالۍ ترسره شوې
د پنجشېر ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مرکز بازارک ښار کې د ۷۰ ورزشکارانو ترمنځ د رزمي لوبو د توان سبک سیالۍ ترسره شوې.
په دغو سیالیو کې کابل، پروان، کاپيسا او پنجشېر ولایتونو ګډون کړی وو؛ چې په پایله کې پنجشېر ولایت د ۲۰ امتیازونو په ترلاسه کولو لومړی، کابل د ۱۸ امتیازونو په ترلاسه کولو دویم او کاپيسا ولایت د ۷ امتیازونو په ترلاسه کولو سره بیا درېیم مقام خپل کړ.
د یادو سیالیو موخه د غوره ورزشکارانو موندل او د ځوانانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته ورزشي ډالۍ ورکړل شوې.
