هلمند ؛ په ناوې ولسوالۍ کې د اتو لوبډلو ترمنځ د ټېپ بال کرکټ سيالۍ پای ته ورسېدې
د هلمند ولايت د بدني روزنې او ورزش امريت له لوري د ياد ولايت د ناوې ولسوالۍ د ناصرانو په ورزشي لوبغالي کې د اتو لوبډلو ترمنځ د ټېپ بال کرکټ ګروپي سيالۍ د علم خان لوبډلې په اتلولۍ پای ته ورسېدې.
د دغو سياليو پایلوبه د شير علي او د علم خان لوبډلو ترمنځ ترسره شوه، د شير علي لوبډلې د پچې په ګټلو سره د توپ وهنې پرېکړه وکړه چې په ټاکلو ۱۵ اورونو کې د ټولو لوبغاړو په سوځېدو سره مقابلې لوبډلې ته د ۱۹۸ منډو هدف وټاکه او په ځواب کې علم خان لوبډلې ټاکل شوی هدف په ۱۴ اورونو کې د پنځو لوبغاړو په سوځېدو سره پوره کړ او د پنځو ويکټو په توپير يې اتلولي وګټله.
د يادو سياليو موخه ورزش ته د ځوانانو هڅول و، چې دوې اوونۍ يې دوام وکړ.
