هلمند؛ گرشک اتلانو لوبډلې د ګرشک ولسوالۍ د ټېپ بال کرکټ سياليو اتلولي وگټله
د هلمند ولايت د بدني روزنې او ورزش امريت په همغږۍ د گرشک ولسوالۍ په مرکزي لوبغالي کې د لسو لوبډلو ترمنځ د گلبهار جام په نوم د ټېپ بال کرکټ سيالۍ د گرشک اتلانو لوبډلې په اتلولۍ پای ته ورسېدې.
د يادو سياليو پايلوبه د گرشک اتلانو او گرشک زلميانو لوبډلو ترمنځ ترسره شوه، گرشک اتلانو لوبډلې د لوبې پچې په گټلو سره په ټاکلو ۱۵ اورونو کې د اوو لوبغاړو په سوځېدو سره سیالې لوبډلې ته د ۲۴۱ منډو هدف کېښود، گرشک زلميانو لوبډلې ياد هدف ترلاسه نه کړ او د ۳۰ منډو په توپير يې ماته ومنله.
د يادونې وړ ده، چې د دغو سياليو د ترسره کېدو موخه ورزش ته د ځوانانو هڅول او پرمختگ وو.
