هلمند؛ ګرمسېر ولسوالۍ کې د ٣٢ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت په ګرمسېر ولسوالۍ کې د ٣٢ لوبډلو ترمنځ د فوټبال رمضان جام سیالۍ د لمر لوبډلې په اتلولي پای ته ورسېدې.
د یادو سیالیو پایلوبه کې لمر لوبډلې د ٤/١ ګول په توپیر خپلې سیالې دروېشانو لېسې لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي او سالمې بوختیا په موخه ترسره شوې، چې دوې اوونۍ يې دوام وکړ.
