پکتیکا؛ شخیل اباد ولسوالۍ کې د ٤٠ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولۍ له لوري د ياد ولايت په شخیل اباد ولسوالۍ کې د ٤٠ لوبډلو ترمنځ د والیبال سیالۍ د یحیی خېلو لوبډلې په اتلولي پای ته ورسېدې.
د یادو سیالیو پایلوبه کې یحیی خېلو لوبډلې د ٣/١ میدان په توپیر خپلې سیالې خرلنډو لوبډلې ته ماتې ورکړه او اتلولي یې وګټله.
دا سیالۍ د سیمې د ځوانانو لپاره د سالمې تفریح برابرولو په موخه ترسره شوې، چې ١٢ ورځې یې دوام وکړ.
