هلمند؛ ګرمسیر ولسوالۍ کې د غېږنیونې دودیزې سیالۍ ترسره شوې
د هلمند ولایت د ګرمسیر ولسوالۍ د بدني روزنې او ورزش مدیریت په همکارۍ د لسو جوړو ترمنځ د غېږنیونې سیالۍ په مساوي ډول پای ته ورسېدې.
دا لوبې پرون سه شنبه د ګرمسیر په دوشنبې بازار کې د دوو لوبډلو ترمنځ ترسره شوې، چې د حاجي دروېش او عطامحمد لخوا یې مالي ملاتړ کېده.
ددې سیالیو نندارې ته د ګرمسیر د وزشي مسوولینو ترڅنګ، سلګونه ځوانان، مشران او ورزشکاران ورغلي وو.
ددې سیالیو موخه د دودیزو لوبو وده او د ځوانانو ترمنځ د همغږۍ او یووالي رامنځته کول ښودل شوي.
