هلمند؛ په مرکز لښکرګاه کې د فوټسال شپنۍ سیالۍ پیل شوې
د هلمند ولایت لښکرګاه په مرکز همت ورزشي لوبغالي کې د ۲۴ لوبډلو ترمنځ د فوټسال شپنۍ سیالۍ پیل شوې.
د یادو سیالیو لومړۍ لوبه صادقي او ښاروالۍ لوبډلو ترسره کړه، چې په پایله کې له یوې په زړه پورې سیالۍ وروسته ۳-۳مساوي پای ته ورسېده.
همدا راز په دویمه سیالۍ کې حاجي مشر لوبډلې جوانان لوبډلې ته د ۲-۱ ګولونو په توپیر ماتې وکړه او بریا یې خپله کړه.
د نوموړو سیالیو موخه د روژې مبارکې میاشتې په اوږدو کې د ځوانانو او ورزشکارانو مصروف ساتل دي؛ ترڅو له بېځایه ناستو څخه یې ډډه کړې وي او له اختر وروسته د سیالیو لپاره یې چمتووالی نیولی وي.
د یادو سیالیو لومړی برخه په تګ راتګ شکل او دویمه برخه به یې په ناک اوټ شکل سره ترسره شي.
