هلمند؛ نوزاد ولسوالۍ کي د ټېپ بال کرکټ سیالۍ د بر نوزاد لوبډلې په اتلولي پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په نوزاد ولسوالۍ کې د ۱۳ لوبډلو ترمنځ د اختریز جام په نوم د ټېپ بال کرکټ سیالۍ د بر نوزاد لوبډلې په اتلولي پای ته ورسېدې.
د یادو سیالیو پایلوبه د شخزو ساتونکو او بر نوزاد لوبډلو ترمنځ ترسره شوه چې پچه شخزو لوبډلې د ټاس په ګټلو سره لومړی توپ وهنه وکړه او په ټاکلو ۱۶ اورونو کې یې د خپلو ۷ لوبغاړو په له لاسه ورکولو سره مقابلې لوبډلې ته د ۱۶۲ منډو هدف وټاکه چې بر نوزاد لوبډلې یاد هدف د ۹ لوبغاړو په له لاسه ورکولو سره پوره کړ او د دغو سیالیو اتلولي یې وګټله.
یادې سیالۍ چې ورزش ته د ځوانانو د هڅولو په موخه پیل شوې وې، درې اوونۍ یې دوام وکړ.
