هلمند؛ خانشین ولسوالۍ کې د ۱۲ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په خانشین ولسوالۍ کې د ۱۲ لوبډلو ترمنځ د فوټبال سیالۍ د ستاره لوبډلې په اتلولي پای ته ورسېدې.
د یادو سیالیو پایلوبه د ستاره او بلوڅ اتلانو لوبډلو ترمنځ ترسره شوه، چې په پایله کې یې ستاره لوبډلې د ۲ پر صفر ګولونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅونې په موخه پیل شوې وې، چې دوې اوونۍ یې دوام وکړ.
