هلمند؛ خانشین ولسوالۍ کې د لسو لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د ياد ولايت په خانشین ولسوالۍ کې د لسو لوبډلو ترمنځ د فوټبال سیالۍ د مرکزي ځوانانو لوبډلې په اتلولي پای ته ورسېدې.
د يادو سياليو پایلوبه د مرکزي ځوانانو او استقلال لوبډلو ترمنځ ترسره شوه، چې په پایله کې یې مرکزي ځوانانو لوبډلې د ٢ پر صفر ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ ورزش ته د ځوانانو د هڅولو په موخه پیل شوې وې، چې درې اوونۍ يې دوام وکړ.
