هلمند؛ باباجي ولسوالۍ کې د ۱۲ لوبډلو ترمنځ د فوټبال ګروپي سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په باباجي ولسوالۍ کې د ۱۲ لوبډلو ترمنځ د فوټبال ګروپي سیالۍ پیل شوې.
د یادو سیالیو لومړۍ لوبه د حافظ بریال او محمد آغا لوبډلو ترمنځ ترسره شوه، چې په پایله کې یې حافظ بریال لوبډلې د یو پر صفر ګول خپلې سیالې لوبډلې ته ماتې ورکړه او لومړۍ بریا یې خپله کړه.
يادې سیالۍ د لوی اختر د لمانځلو په مناسبت پیل شوي دي، چې ۱۶ ورځي به دوام وکړي.
